Besimtarët bektashinjtë festojnë sot “Sulltan Nevruzin”, një nga festat më të rëndësishme të tyre, ditëlindjen e të madhit imam Aliut.
Kryegjyshi Botërorë i Bektashinjve Haxhi Dede Baba Edmond Brahimaj iu drejtua besimtarëve bektashinj me një mesazh.
“Ta duam më shumë njërit tjetrin. Të jemi falënderues ndaj Zotit për të gjitha të mirat. Të ndjejmë njëri-tjetrin sa më afër. Zoti na do të bashkuar. Kjo jetë është dhënë nga Zoti dhe duhet të kujdesemi për të”, tha Baba Mondi
Fjala “Nevruz“ do të thotë “Dita e re” (nga persishtja) dhe ’Sulltan’, është titull i lartë. Kjo ditë, e ka origjinën që herët. Në Shqipëri filloi të festohej që kur u përhap bektashizmi në shekujt XIV.
Dita e Sulltan Nevruzit përkon me ditën e lindjes së Imam Aliut një nga shenjtorët më të mëdhenj të të gjitha kohërave dhe, i pari i dymbëdhjetë imamëve. Prandaj kjo festë, për bektashinjtë përfaqëson një ditë të shënuar dhe më të bekuarën e vitit.
