Një zjarr tjetër ka përfshirë fushën e mbetjeve urbane në Vlorë që nga mbrëmja e djeshme. Era e fortë ka ndihmuar përhapjen e flakëve me shpejtësi, duke e vështirësuar situatën.
Zjarrfikësit dhe punonjësit e bashkisë po punojnë në terren për të izoluar dhe shuar zjarrin. Nuk është hera e parë që kjo zonë digjet, duke shkaktuar çlirimin e tymit toksik, i cili përbën shqetësim për banorët dhe turistët në qytet.
