Në Tiranë tek Rruga e Kavajës, ngjitur me Kishën Katolike, prej mëse një muaj e gjysëm janë ekspozuar në Galerinë e Arteve Tiranë koleksioni i jashtëzakonshëm me fotografi të Dinastisë Marubi. Njëqind vite të studios fotografike shqiptare prezantohen për hërë të parë në një përzgjedhje imazhesh nga arkiva e Muzeut Kombëtar të Fotografisë “Marubi”, Shkodër (1856-1959). Në ekspozitën Dinastia Marubi ekspozohen fotografitë e tre gjeneratave të fotografëve të cilët realizonin portrete në studio të personave të ndryshëm, që nga borgjezia urbane tek shtresat më të varfëra, nga perandorët osmanë tek Mbreti Zog, nga të burgosurit tek aktorët e famshëm dhe piktorët. Historia Italiani Pietro Marubbi mbërriti në Shkodër në vitet 1850, menjëherë pas shpikjes së fotografisë. Aty ai hapi studion e parë fotografike në rajon dhe realizoi imazhet e para me teknikën e kolodiumit të lëngshëm. Menjëherë pas vdekjes së Pietros, asistenti i tij Keli do të mbante mbiemrin e mjeshtrit në nderim të tij. Ai e vazhdoi aktivitetin e studios dhe më pas ia la trashëgim të birit, Gegës. Koleksioni me mbi 150,000 xhama negativë i Dinastisë Marubi paraqet interes nga pikëpamja historike, sociologjike, kulturore, antropologjike dhe artistike. Në të zbulojmë ngjarjet e trazuara të historisë së Shqipërisë (që nga Perandoria Osmane tek periudha komuniste), ritualet shoqërore, kostumet folklorike dhe portretet. Kjo ekspozitë është një prezantim i historisë së pasur fotografike të një vendi - asokohe të izoluar - evropian. Ekspozita përfshin disa riprodhime moderne dhe projeksione të xham-negativëve të skanuar. Muzeu Marubi nuk disponon shumë stampime origjinale. Pjesa më e madhe e tyre janë shitur nga Marubët e mund të gjenden në shtëpitë e familjeve shqiptare. Përmes imazheve, ju mund të lexoni më shumë mbi historinë e Shqipërisë, studion Marubi si dhe procesin fotografik. Koleksioni Koleksioni me mbi 150,000 xhama negativë i Dinastisë Marubi paraqet interes nga pikëpamja historike, sociologjike, kulturore, antropologjike dhe artistike. Në të zbulojmë ngjarjet e trazuara të historisë së Shqipërisë (që nga Perandoria Osmane tek periudha komuniste), ritualet shoqërore, kostumet folklorike dhe portretet. Ekspozita përfshin disa riprodhime moderne dhe projeksione të xham-negativëve të skanuar, ku përmes imazheve mund të lexojmë më shumë mbi historinë e Shqipërisë, studion Marubi si dhe procesin fotografik. Kjo ekspozitë është një prezantim i historisë së pasur fotografike të një vendi - asokohe të izoluar - evropian. Koleksioni i Dinasitë Marubi në Shkodër është një prej koleksioneve më të vizituara si nga vizitorë shqiptarë, ashtu edhe turistë të huaj, sjellja e një përzgjedhjeje imazhesh në Tiranë nga arkiva e Muzeut (1856-1959), të cilat kanë qenë pjesë e ekspozitës me të njëjtin titull, të hapur në Muzeun e Fotografisë FOAM Amsterdam, më 2016, është një hap i rëndësishëm i udhëtimit të këtij koleksioni kaq autentik.
