Bordi i Transparencës nuk do të jetë më në funksion. Lajmi u bë me dije nga ministrja e Ekonomisë, Delina Ibrahimaj, pas mbledhjes së Këshillit të Ministrave. Sipas zhvillimeve të fundit, çmimi i naftës në bursa ka pësuar rënie, i ndikuar direkt nga marrëveshja e arritur mes Shteteve të Bashkuara të Amerikës dhe Iranit, e cila ka zhbllokuar edhe ngërçin e krijuar në Ngushticën e Hormuzit.
Në fjalën e saj, ministrja Ibrahimaj u shpreh:
“Një vendim tjetër shumë i rëndësishëm lidhet me përfundimin e situatës së veçantë në tregun e hidrokarburateve. Sot do të ndërpresim Bordin e Transparencës që prej disa muajsh është në funksion. Çmimi prej dy javësh ka ardhur duke u reduktuar, në bursë ka rënë”.
Përpara marrjes së këtij vendimi për shkrirjen e tij, lëvizja e fundit e Bordit të Transparencës për caktimin e çmimeve të hidrokarbureve u bë ditën e mërkurë. Në vendimin e tij të fundit, çmimet e tregut u përcaktuan si më poshtë:
Nafta: 176 lekë/litri
Benzina: 166 lekë/litri
