Raundi tjetër i negociatave ndërmjet Shteteve të Bashkuara dhe Rusisë do të mbahet më 25 shkurt.
Këtë e ka bërë të ditur presidenti amerikan Donald Trump.
Vihet re se palët do të takohen sërish në Riad.
Sipas agjencisë së lajmeve Reuters, Sekretari amerikan i Shtetit Rubio dhe Ministri i Jashtëm rus Lavrov ranë dakord të krijojnë një mekanizëm konsultimi për të trajtuar “irrituesit” në marrëdhëniet ruso-SHBA.
Rubio dhe Lavrov ranë dakord po ashtu të bashkëpunojnë për mundësitë ekonomike që mund të shfaqen pas një zgjidhjeje në Ukrainë.
Cilat janë disa pika që duhen pasur parasysh për këto bisedime:
-Zyrtarët amerikanë thonë se bisedimet nuk janë fillimi i negociatave, por hapi i parë për të parë nëse Rusia është “serioze” për përfundimin e luftës në Ukrainë – Rusia thotë se takimi ka të bëjë me normalizimin e marrëdhënieve me SHBA-të
-Një tjetër synim është të organizojë bisedime midis Donald Trump dhe Vladimir Putin, gjithashtu në Riad. Dyshja folën javën e kaluar – Trump u tha gazetarëve “ne do të takohemi në Arabinë Saudite”, pa caktuar një datë.
-Liderët evropianë u takuan në Paris për bisedime të veçanta mbi Ukrainën – samiti u organizua shpejt pasi SHBA-të dhe Rusia njoftuan takimin e tyre
-Kryeministri i Mbretërisë së Bashkuar Sir Keir Starmer kishte thënë më herët se ishte i përgatitur të konsideronte dërgimin e trupave në Ukrainë nëse dhe kur të përfundojë lufta. Por ideja nuk u mbështet nga të gjithë – kancelari gjerman Olaf Scholz tha se diskutimi rreth trupave ishte “i papërshtatshëm” dhe “i parakohshëm”.
-Starmer tha gjithashtu se çdo marrëveshje paqeje do të kishte nevojë për një mbështetje të SHBA-ve si garanci për të ndihmuar në ruajtjen e paqes në Ukrainë – është e paqartë se si mund të duket kjo, por aleatët e Mbretërisë së Bashkuar sugjeruan se mund të ishte mbështetje ajrore, logjistike ose aftësi të inteligjencës.
