Kryeministri Edi Rama ka reaguar sot në një konferencë për mediat lidhur me kallëzimin e bërë nga deputeti Gazment Bardhi ndaj vëllait të tij, Olsi Rama, për përfshirjen në çështjen e laboratorit të drogës në Xibrakë.
Rama theksoi se Prokuroria e Posaçme kundër Korrupsionit dhe Krimit të Organizuar (SPAK) ka përfunduar hetimet dhe ka arritur në përfundimin se Olsi Rama nuk ka asnjë lidhje me personin e përmendur në këtë çështje.
“Në atë dosje flitej për një person i cili nuk është identifikuar nga prokuroria. Sipas deklaratave të Gazment Bardhit, ky person ishte im vëlla. Kam bërë durim dhe nuk kam dashur të flas pa u shprehur drejtësia me provat e saj. Sot, është e qartë: SPAK ka vërtetuar se Olsi Rama nuk ka asnjë lidhje me këtë rast,” tha Rama.
Ai shtoi gjithashtu se emri i vëllait të tij ishte përdorur vetëm për të sulmuar atë politikisht. “Im vëlla u përdor si mish për top për të më goditur mua,” u shpreh kryeministri.
Deklarata e Ramës vjen pas përfundimit të hetimeve nga SPAK, që kanë hedhur poshtë akuzat e ngritura ndaj Olsi Ramës në këtë çështje.
