Kryesia e Kuvendit paralajmëron ndëshkime në radhët e opozitës. Sekretariati i Etikës do të mblidhet për masa disiplinore ndaj 24 deputetëve të opozitës pas incidenteve gjatë seancës dhe djegies së karrigeve në oborrin e Parlamentit.
Sipas ligjit masat ndëshkimore kanë të bëjnë me përjashtime që çojnë në humbjen e pagës.
“Ju njoftoj se me anë të shkresës nr. 3634 prot, datë 1.10.2024 të Grupit Parlamentar të Partisë Socialiste, është paraqitur kërkesa për marrje mase disiplinore ndaj 24 deputetëve:
Gazmend Bardhi, Flamur Noka, Bledion Nallbati, Edi Paloka, Saimir Korreshi, Lefter Geshtenja, Luan Baçi, Dashnor Sula, Agron Gjekmarkaj, Dhurata Çupi, Xhelal Mziu, Ina Zhupa, Zheni Gjergji, Helidon Bushati, Lindita Metaliaj, Ramadan Lika, Asllan Dogjani, Qani Xhafa, Flamur Hoxha, Isuf Çela, Kastriot Piroli, Lodovik Hasani, Kasem Mahmutaj, Edmond Spaho
Ju njoftoj se Sekretariati për Procedurat, Votimet dhe Etikën do të mblidhet ditën e mërkurë, datë 2.10.2024, ora 15.00, për shqyrtimin e kësaj kërkese. Bashkëlidhur gjeni kërkesën për marrje mase disiplinore” - thuhet në njoftimin e Kuvendit.
Ndërkohë opozita po proteston sepse Ervin Salianji sot është në burg. Dhe për këtë ata dogjën karriget në oborrin e parlamentit.
