Ish-kryeministri Sali Berisha, u ka bërë thirrje qytetarëve që ditën e nesërme në orën 11:30, të bëhen bashkë për të protestuar te bashkia e Tiranës.
Berisha i është shprehur se është koha të bëjmë drejtësi me zemërimin tonë, ndërsa shtoi se “nesër do të jetë dita e gjyqit popullor, e gjyqit qytetar ndaj armiqve të shqiptarëve”.
“Është koha nesër të bëjmë drejtësi me zemërimin tonë të firmosim largimin e hajnave. Rritjen e pensioneve. Është koha të bëjmë drejtësinë. Të firmosim që në spitalet tona të mjekohemi si njerëz, siç e meritojmë. Është koha të këpusim me fuqinë tonë zinxhirin e kësaj vjedhje të tmerrshme që po shfaros shqiptarët. Ndaj dhe nesër, në ora 11.30, të gjithë te bashkia për shpëtimin e shtëpisë së parë të Tiranës” - tha Berisha.
Rithemelimi ka njoftuar një tjetër protestë para bashkisë Tiranë ditën e nesërme.
