Policia e Fierit ka shpallur në kërkim autorin e dyshuar të një plagosje me armë zjarri, e ndodhur rreth orës 21:00 në “Kryqëzimi i Zogut të Zi”. Shtetasi M. B., banues në Cakran, ka plagosur me armë zjarri një 40-vjeçar, shtetasin G. H., banues në Fier. Pas ngjarjes, shërbimet e Policisë kanë ndërmarrë veprime të shpejta dhe kanë identifikuar autorin e dyshuar, të cilin e ndjekin për kapje.
Shtetasi G. H. është transportuar në spital dhe aktualisht ndodhet nën kujdesin e mjekëve. Grupi hetimor, nën drejtimin e Prokurorisë, po vazhdon hetimet për sqarimin e rrethanave të ngjarjes.
Njoftimi i policisë:
Plagosi me armë zjarri një 40-vjeçar, Policia identifikon dhe shpall në kërkim autorin e dyshuar.
Vijon ndjekja për kapjen e autorit, shtetasit M. B., banues në Cakran.
Shërbimet e Komisariatit të Policisë Fier rreth orës 21:00, kanë marrë njoftim se në vendin e quajtur “Kryqëzimi i Zogut të Zi”, një shtetas ka plagosur me armë zjarri një shtetas tjetër.
Menjëherë shërbimet e Policisë kanë shkuar në vendngjarje dhe falë veprimeve të shpejta kanë bërë të mundur identifkimin e autorit të dyshuar, shtetasin M. B., banues në Cakran dhe janë vënë në ndjekje të tij.
Shtetasi M. B. në rrethana ende të paqarta ka plagosur me armë zjarri shtetasin G. H., 40 vjeç, banues në Fier.
40-vjeçari është transportuar në spital dhe ndodhet në kujdesin e mjekëve.
Grupi hetimor nën drejtimin e Prokurorisë vijon veprimet në vendngjarje me qëllim zbardhjen dhe dokumentin e plotë të rrethanave të ngjarjes.
