Socialisti i vjetër, Petro Koçi, tashmë i lënë jashtë skenës aktive politike, ku një dorë të fortë për përjashtimin e tij pati vetë Belinda Balluku, nuk i ndahet kësaj të fundit.
Duke ju referuar aktivitetit të mbajtur dje në Apolloni, ku socialistët e Fierit festuan 35 vjetorin e PS, ku paralel në Tiranë zhvillohej dita e 10-të e protestës qytetare, Koçi ka bërë një shënim në rrjetet sociale me titull:
“Bulevardi digjet, korrupsioni krihet”.
Fjalët e tij nuk lënë vend për nënkuptime dhe shënjestra është e qartë.
“Themeluesja e korrupsionit nuk mund te mos e ushtroje zanatin edhe ne nje ceremoni kremtimi te pervjetorit te themelimit te PS. Zakonisht ajo mbjell frike dhe servilizem kudo ku e dergojne, ne detyra shteterore apo partiake. Mbreme shfaqi edhe vesin e lig te percarjes se themeluesve te PS. Ca i ftoi, ca i harroi. Servilet dhe frikacaket rreth saj nuk bezane. Performoi haptaz nje sjellje ordinere prej hakmarreseje. Hierarkine e kontributeve te themelimit, modernizimit dhe fuqizimit te PS nuk e hedh dot askush ne koshin e plehrave”,-shkruan ndër të tjera ish deputeti Petro Koçi.
Ai e akuzon Ballukun se tjetërsoi rezultatin e fituesve të vërtetë në 11 maj në Fier dhe se futi në listë përfaqësues të atyre që ndër vite ju kanë bërë keq socialistëve
“Njeriu qe ne zgjedhjet e Majit 25 i solli historise se PS Fier turpin e vjedhjes se votave edhe brenda llojit, e verifikuar nga procesi i rinumerimit, apo skandalin e fallsifikimit te perberjes se listes fituese ne numerimin e pare te fleteve te votimit. Dhe kurre njeriu qe perfshiu ne listen e deputeteve pinjollet e atyre qe i bene nenen votave dhe sakrificave te socialisteve ne zgjedhjet e vijes se kuqe te vitit 96 apo te atyre qe hoqen mbathjet para grave te Libofshes. Nuk e crresnjosin dot historine e themelimit te PS themeluesit e korrupsionit. Te lirohen nga pergjegjesia,e te deleguarit personat qe jane nen ndjekje penale. Vetem nje trimeri duhet sot: te jesh i ndershëm”,-thotë ndër të tjera Petro Koçi, fjalët e së cilit zor se gudulisin veshët e Edi Ramës.
https://www.facebook.com/share/p/185d3eF131/
