Tensionet ndërmjet SHBA dhe Irani janë përshkallëzuar sërish në Gjirin Persik, pasi të dyja palët kanë shkëmbyer sulme ushtarake, pavarësisht armëpushimit që mbetet ende në fuqi dhe përpjekjeve diplomatike për arritjen e një marrëveshjeje.
Uashingtoni njoftoi se ka rrëzuar katër dronë iranianë pranë Ngushtica e Hormuzit, ndërsa më pas ka kryer sulme ndaj sistemeve të radarëve në territorin iranian. Nga ana tjetër, Teherani iu përgjigj duke lëshuar raketa balistike drejt Kuvajti dhe Bahreini.
Sipas një deklarate të publikuar nga Komanda Qendrore e Shteteve të Bashkuara, forcat amerikane neutralizuan katër dronë sulmues që ishin nisur drejt zonës së Ngushticës së Hormuzit, pasi u vlerësuan si një “kërcënim i menjëhershëm për lundrimin në rajon”.
Bazuar në vlerësimet paraprake të CENTCOM-it, gjashtë nga shtatë raketat e lëshuara drejt shteteve të Gjirit janë interceptuar, ndërsa raketa e shtatë nuk arriti objektivin e saj.
“Irani lëshoi shtatë raketa balistike drejt Kuvajtit dhe Bahreinit. Sipas vlerësimeve fillestare, gjashtë prej tyre u interceptuan, ndërsa e shtata nuk e arriti objektivin”, thuhet në deklaratën e administratës amerikane.
Autoritetet amerikane shtuan se nuk ka raportime për persona të lënduar apo dëme në infrastrukturën ushtarake amerikane në Bahrein.
