Grupi Parlamentar i Partisë Demokratike po zhvillon takime me eurodeputetë në Strasburg dhe një protestë sensibilizuese para Parlamentit Europian.
Pjesë e delegacionit, përfshirë Gazment Bardhin, Flamur Nokën, Jorida Tabakun, Albana Vokshin dhe Agron Gjekmarkajn, janë futur në ambientet e Parlamentit Europian për të diskutuar mbi zhvillimet politike të fundit dhe arrestimin e Sali Berishës, kryetarit të PD dhe liderit të opozitës.
Ndërkohë, rreth 30 deputetë të tjerë kanë zhvilluar një protestë në hyrjen e Parlamentit, duke kërkuar mbështetje për lirimin e Berishës dhe monitorimin e situatës politike në Shqipëri. Deputetët theksojnë se arrestimi i tij, si dhe i ish-deputetit Ervin Salianji, është një akt hakmarrjeje politike nga ana e kryeministrit Edi Rama dhe cenon barazinë në zgjedhje.
Deputetët kishin lajmëruar protestë, por me shumë u duk si fushatë sensibilizuese pasi thjeshtë mbajtën pankarta në duar
