Monika Kryemadhi ka mbërritur në GJKKO ku mbahet sot seanca për ish-presidentin Ilir Meta.
“Po shkoj sot për t’u përballur me një sistem drejtësie të kastruar,” tha Kryemadhi. Ajo shtoi se është e shqetësuar për mënyrën se si dosjet e hetimit janë shpërndarë në publik, duke shkelur sipas saj sekretin hetimor.
Gjithashtu, Kryemadhi kritikoi drejtësinë duke thënë se është e kontrolluar nga kryeministri Edi Rama dhe se nuk përfaqëson as interesat e shqiptarëve dhe as të partnerëve ndërkombëtarë.
“Do i shikojmë edhe fytyrat, a e përballojnë dot apo jo,” përfundoi Kryemadhi duke lënë të nënkuptohet se është e vendosur të ndjekë çështjen deri në fund.
