Nëntë persona janë raportuar të lënduar gjatë protestës së sotme në Tiranë, mes tyre deputeti Gjin Gjoni dhe gazetarët Freard Rista, Ardit Hoxha e Klevin Muka.
Sipas njoftimit paraprak të Ministrisë së Shëndetësisë dhe Mirëqenies Sociale, të përditësuar në orën 16:30, tetë persona kanë marrë trajtim në QSUT dhe Spitalin Universitar të Traumës.
Në QSUT janë paraqitur një deputet, një përfaqësues i medias dhe katër protestues. Të gjithë kanë lënë spitalin pas marrjes së trajtimit mjekësor.
Në Spitalin Universitar të Traumës kanë marrë ndihmë një efektiv policie dhe një përfaqësues i medias, të dy në gjendje të qëndrueshme.
