Barometri Euronews po mat çdo muaj preferencën e votës së qytetarëve nëse zgjedhjet do të mbaheshin në momentin kur kryhet sondazhi. Deri tani janë publikuar tre rezultatet për dymatjet e parë të vitit, që nxjerrin si më të preferuar partinë në pushtet të kryesuar nga Rama dhe të dytën më të preferuar partinë kryesore opozitare të kryesuar nga Berisha.
Interesante është të shihet jo vetëm “fotografia” e preferencës së votës për çdo matje, por edhe zhvendosjen e saj në kohë. Sigurisht dy matje nuk tregojnë prirje të konsoliduar.
Ajo që bie në sy drejtpërdrejt është:
▪ Ngushtohet diferenca ndërmjet dy partive kryesore PS – PD me 1.5 pikë, pasi ka rënie preference për PS dhe rritje përPD.
▪ Kategoria e votuesve “abstenues” po i quajmë, pra që zgjedhin njërën nga alternativat “nuk di”, “nuk votoj”, “nuk përgjigjet”, në total mbetet njësoj. Këtë kategori zakonisht analistët e konsiderojnë elektorat, nëse ndajnë mendjen për votën apo të marrë pjesë në votime mund të ndryshojë balancën ndërmjet partive, sidomos atyre kryesore.
▪ Grupi i partive të reja dhe të tjera, në total ka rënie preference, me rreth 1.4 pikë dhe rënien më të madhe e shohim në preferencën për partinë “Shqipëria bëhet”. Jo vetëm kaq po nëse diferenca mes këtij grupi dhe PS-së mbetet e njëjtë, diferenca e këtij grupi me PD-në është rritur në favor të PD-së. Kjo konfirmon që elektorati rilindas mbetet I konsoliduar rreth partisë së tij dhe është elektorati opozitar ai që ka shpërndarje në mës të partive të ndryshme. Nëse prirja konsoliduese rreth PD-së pritet të forcohet sa më shumë I afrohet zgjedhjeve kjo mbetet për t’u parë.
Deri tani dy janë konkluzionet kryesore. PS vijon të jetë më e preferuar dhe elektorati “abstenues” më i qëndrueshëm.
Preferenca e votës dhe diferenca ndërmjet matjes së parë dhe të dytë
