Ish-presidenti Ilir Meta, i cili po gjykohet në Gjykatën e Posaçme për disa akuza të rënda, si korrupsion, pastrim parash dhe fshehje pasurie, në bashkëpunim me ish-bashkëshorten Monika Kryemadhi, ka vendosur t’i drejtohet Gjykatës së Tiranës.
Ai ka kundërshtuar një vendim të prokurorisë, e cila vendosi mbylljen e hetimeve mbi denoncimin e tij për shpërdorim detyre të punonjësve të paraburgimit. Ish-kreu i shtetit kishte bërë kallëzim për mënyrën si është trajtuar dhe se i është penguar komunikimi.
Përmes ankimimit, Meta kërkon nga gjykata ta kthejë çështjen dhe të urdhërojë prokurorin të kryejë hetime të mëtejshme. Çështja do të shqyrtohet nga gjyqtarja Vjollca Spahiu.
