Një anije e marinës italiane u nis mëngjesin e sotëm nga porti i Brindisit drejt Shqipërisë, duke transportuar 40 emigrantë të disa nacionaliteteve.
Ata do të vendosen në qendrën e paraburgimit në kampin e Gjadrit, në përputhje me marrëveshjen mes Italisë dhe Shqipërisë për trajtimin e emigrantëve.
Vendimi për transferimin bazohet në një dekret të miratuar më 28 mars, i cili lejon dërgimin në Shqipëri jo vetëm të azilkërkuesve të ndaluar në det, por edhe të emigrantëve të parregullt me urdhër dëbimi.
Megjithëse qeveria italiane ka ndërtuar qendra për emigrantët në Shqipëri dhe planifikon t’i shndërrojë në qendra riatdhesimi për azilkërkuesit e refuzuar, vendimet gjyqësore në Itali shpesh kanë anuluar transferimet.
Projekti përfshin pritjen e rreth 36 mijë emigrantëve në vit dhe ka një kosto të vlerësuar prej 600 milionë euro.
