Kryeministri Edi Rama po zhvillon në Pogradec ditën e dytë të mbledhjes me ministrat e kabinetit qeveritar dhe drejtuesit politikë të Partisë Socialiste.
Gjatë takimit, ministrat po raportojnë mbi punën e deritanishme, arritjet dhe prioritetet e përcaktuara për vitin e dytë të mandatit të katërt qeverisës.
Rama ka ndërhyrë pak gjatë diskutimeve, ndërsa mes çështjeve të ngritura prej tij kanë qenë nevoja për rifreskimin e administratës publike, më shumë përulësi, si dhe çështje që lidhen me Besën, Praninë Besnike dhe mënyrën e paraqitjes së Partisë Socialiste në media.
Ministrat kanë prezantuar objektivat dhe rezultatet e dikastereve që drejtojnë, ndërsa në orën 17:00 kryeministri pritet të bëjë një përmbledhje të diskutimeve dhe përfundimeve të dy ditëve të mbledhjes në Pogradec.
