Dua Lipa dhe Calum Turner kanë vendosur të bashkëpunojnë , pasi synojnë të hyjnë së bashku në botën e biznesit. Çifti, i cili u fejua disa muaj më parë, themeloi së fundmi TwentyTwo Films Limited.
Kompania synon prodhimin e filmave dhe programeve televizive, me yllin 30-vjeçar të muzikës pop dhe aktorin 35-vjeçar që kanë aksione të barabarta.
Një burim pranë çiftit që foli për The Sun theksoi: “Dua dhe Calum janë njerëz shumë ambiciozë dhe kanë shumë plane për sipërmarrje që duan të bëjnë së bashku. Ajo është përpjekur tashmë të përfshihet në kinema në të kaluarën. Por nëse ajo kalon në projekte të reja, ajo dëshiron të ketë më shumë kontroll krijues .” I njëjti burim shtoi: “Ajo dhe Calum kanë shumë ide që mendojnë se do të funksionojnë. Është ende shumë herët, por motorët po ecin përpara.”
Sipërmarrja e re e çiftit të kujton rrugën e ndjekur nga Margot Robbie dhe bashkëshorti i saj, producenti Tom Ackerley, të cilët themeluan labelin e tyre LuckyChap, i cili ka prodhuar hite të tilla si “I, Tonya”, “Saltburn” dhe “Barbie” – ku merrte pjesë edhe Dua Lipa.
Lidhja e Dua Lipës me Callum Turner filloi të pushtonte mediat në janar të vitit 2024, kur ata u panë së bashku në një festë pas premierës së serialit “Masters of Air” në Londër, në të cilin aktori 35-vjeçar luajti rolin kryesor.
Që atëherë, ata kanë bërë disa paraqitje të përbashkëta në darka dhe evente publike, ndërsa në korrik të vitit 2024, Lipa e bëri zyrtare lidhjen e tyre me një postim në Instagram, duke ngarkuar dy fotografi të buta nga Glastonbury, ku ajo vetë u shfaq drejtpërdrejt. Qershorin e kaluar, këngëtarja 30-vjeçare konfirmoi në një intervistë për Vogue se ishte fejuar me të dashurin e saj.
