Unaza luksoze që Cristiano Ronaldo i dhuroi Georgina Rodriguez, e zbuluar kohët e fundit për publikun, ka ngritur debate në botën e bizhuterive. Sipas ekspertëve, ajo nuk i përmbush kriteret e një unaze fejese tradicionale.
Ekspertja e bizhuterive, Juana García Sánchez, shpjegon se unaza e Georginës nuk është një unazë fejese “sepse është e madhe dhe e rëndë. Gurë rreth 40 karat është më i përshtatshëm për një gjerdan sesa për një unazë. Vetëm vendosja është perfekte, ndërsa gjithçka tjetër mungon”. Ajo e përshkruan unazën si një “unazë kokteji”, e projektuar për raste të veçanta dhe për të tërhequr vëmendjen, jo për t’u mbajtur çdo ditë.
Unazat kokteji u krijuan në vitet 1920 gjatë Prohibicionit në Shtetet e Bashkuara, si një mënyrë për gratë të shfaqnin pavarësinë dhe stilin e tyre. Ndryshe nga unazat tradicionale fejese, ato janë të mëdha, tërheqëse dhe jo të përshtatshme për përdorim të përditshëm. Një unazë fejese duhet të jetë prej ari të verdhë apo të bardhë, e rehatshme dhe e përshtatshme për t’u mbajtur çdo ditë, duke simbolizuar dashurinë dhe besnikërinë.
