Konfirmohet vatër murtaje në Devoll, dyshohet për 150 krerë të infektuar

Një vatër e murtajës është konfirmuar në një fermë familjare në fshatin Shuec, njësia administrative Devoll, ku një fermer ka rezultuar i prekur dhe dyshohet për rreth 150 krerë bagëti të infektuara. Deri më tani, 13 prej tyre kanë ngordhur, ndërsa pjesa tjetër është futur në karantinë. Sipas autoriteteve, shërbimi veterinar ka ndërhyrë menjëherë, duke marrë masat e nevojshme për izolimin e vatrës dhe trajtimin e rasteve të dyshuara. Po ashtu, janë vendosur kufizime në qarkullimin e bagëtive dhe është intensifikuar monitorimi i zonës për të shmangur përhapjen e mëtejshme të sëmundjes. Përveç rastit në Devoll, një tjetër vatër murtaje është raportuar edhe në qarkun e Shkodrës, duke shtuar alarmin për përhapjen e kësaj sëmundjeje në disa zona të vendit.

Autoritetet veterinaro-shëndetësore u bëjnë thirrje fermerëve të raportojnë menjëherë çdo rast të dyshuar dhe të shmangin lëvizjen e bagëtive deri në përfundim të hetimeve epidemiologjike.