Instituti i Studimeve për Krimet e Komunizmit ka publikuar një dokument të rrallë që vërteton numrin e dëshmorëve të rënë. Sipas ISKK ekziston një dokument që tregon se më 1979 e kishin statusin e dëshmorit 5000 vetë, ndërsa publikisht thuhej se janë 28.000. Statusi Kohët e fundit është diskutuar gjerësisht çështja e numrit të dëshmorëve të shpallur nga regjimi komunist. Për të hedhur dritë mbi këtë çështje shumë të diskutuar, ISKK boton një dokument që tregon se më 1979 e kishin statusin e dëshmorit 5000 vetë, ndërsa publikisht thuhej, thuhet në dokument, se janë 28.000 dëshmorë. Dokumenti nr. prot. 103, datë 5.3.1979, “Propozohet zgjerimi i përkufizimit dëshmor të Luftës Nacionalçlirimtare”, është hartuar nga Komiteti Kombëtar i Veteranëve dhe Luftës së Popullit Shqiptar dhe i drejtohet Kryesisë së Këshillit të Ministrave. Dokumenti mban firmën e presidentit të Komitetit, Ndreçi Plasari. Ky dokument, dhe të tjera që do të publikojmë, dëshmojnë sesi regjimi komunist manipulonte me vetëdije lidhur me numrin e të rënëve në luftë.
