Policia ka vënë në pranga një 53 vjeçar, pasi ishte i dënuar në Itali për përdhunim dhe emigracion të paligjshëm.
Komisariati i Policisë Kurbin në bashkëpunim me Forcat e Posaçme “Shqiponja”, të Drejtorisë Vendore të Policisë Lezhë, finalizuan operacionin policor të koduar “FOUR”.
Në kuadër të këtij operacioni, në Laç u bë kapja dhe arrestimi me qëllim ekstradimi i 53 vjeçarit që përdorte 4 emra, Kastriot Marku alias Erjon Prenga alias Ervis Murati alias Landi Lleshaj, 53-vjeç.
Falë veprimeve të shpejta dhe të koordinuara, 53-vjeçari u kap dhe u arrestua në Laç me qëllim ekstradimin drejt Italisë.
Interpol Tirana, në bashkëpunim me Interpol Romën, po ndjek procedurat për ekstradimin e tij. Operacioni vlerësohet si një sukses në luftën kundër kriminalitetit ndërkombëtar.
