Një 21 vjeçar ka përfunduar në pranga, pasi dyshohet për vjedhje të përsëritura dhe posedim të armëve pa leje.
I riu Luis Gjergji ra në pranga pas informacioneve se vidhte pjesë makinash në mënyrë të përsëritur.
Në kuadër të operacionit ‘Përsëritësi’, policia ushtroi kontrolle edhe në banesën e 21-vjeçarit, së cilës iu gjet një armë zjarri me mulli.
Njoftimi i plotë i policisë:
Finalizohet nga Komisariati i Policisë Nr.3, operacioni policor i koduar “Përsëritësi”.
Vodhi aksesorë të makinës dhe pjesë të ndryshme tek i njëjti automjet në periudha të ndryshme, arrestohet 21-vjeçari.
Gjatë kontrollit në banesë, Policia i gjeti një armë zjarri pistoletë me mulli dhe pjesët e vjedhura në automjet.
Shërbimet e Komisariatit të Policisë Nr.3, në bazë të informacioneve të marra se një shtetas kryente vjedhje, bazuar dhe në inteligjencën policore, kanë organizuar dhe finalizuar operacionin të koduar “Përsëritësi” si rezultat i të cilit u bë kapja dhe arrestimi i shtetasit L.Gj, 21 vjeç, banues në Laç.
Në kuadër të operacionit gjatë kontrollit të ushtruar në banesën e këtij shtetasit, shërbimet e Policisë kanë gjetur dhe sekuestruar pjesët e vjedhura dhe një armë zjarri pistoletë me mulli.
Materialet procedurale i kaluan Prokurorisë, për veprime të mëtejshme.
