Ditën e hënë në orën 17:00 është thirrur një protestë para Ministrisë së Brendshme nga Lëvizja Bashkë, si një thirrje për zbardhur shkaqet që shtynë policin A.S të tentojë vetëvrasjen. Sipas të dhënave paraprake ky akt lidhet me arrestimin e të birit të oligarkut më të fuqishëm në Shqipëri, Samir Mane. “Ne u bëjmë thirrje të gjithë qytetarëve që të bashkohen në një protestë masive të hënën në orën 17:00 përpara Ministrisë së Brendshme. Kërkojmë me ngulm nga Policia e Shtetit, Prokuroria dhe të gjitha organet e tjera shtetërore të sqarojnë deri në fund ngjarjen dhe të vënë përpara përgjegjësisë këdo që ka shkelur ligjin dhe ka ushtruar presion ndaj policit dhe qytetarit A.S. Dje i ndodhi Azbiut. Nesër mund t’i ndodhë secilit prej nesh”-shkruhet në thirrjen e bërë publike në rrjetin social “Facebook” të Lëvizjes Bashkë.
