Sot Gjykata Kushtetuese pritet të shqyrtojë kërkesën e ish-kryeministrit Sali Berisha kundër masës së sigurisë "arrest shtëpie" ku qëndroi për afro një vit, për shkak se refuzoi të zbatonte masën e caktuar në tetor 2023 atë të detyrimit për tu paraqitur në policinë gjyqësore. Berisha, i cili është aktualisht i pandehur për akuzën e korrupsionit, pretendon se masa është antikushtetuese dhe si e tillë duhet shfuqizuar. Më herët, gjykata Kushtetuese e cila shqyrtoi një tjetër kërkesë të ish-kryeministrit tha se e vetmja masë proporcionale për Berishën është detyrimi për paraqitje dhe i tërhoqi vëmendje SPAK që në rastet e deputetëve për cdo masë tjetër tej kësaj duhet të kërkojë autorizim në Kuvend.
