Gazetarja Ola Xama, në emisionin “Të Paekspozuarit” ka folur për ngjarjen e rëndë ku një polici i qarkullimit rrugor që ndaloi djalin e biznesmenit Samir Mane, u hodh nga lartësia. Xama tha se testi i alkoolit tregoi se 28-vjeçari ishte në gjendje të dehur, por materiali që është dërguar në Prokurori përfshin vetëm akuzat për largimin nga vendi i aksidentit dhe mosbindjen ndaj urdhrit të policisë.
Ndërsa për vendimin e Prokurorisë që e shpalli arrestimin e pligjshëm, gazetarja thotë se mjafton vetëm akuza e kundërshtimit të puonjësit të policisë që ndalimi të jetë i ligjshëm.
“Në njoftimin e policisë thuhet se ‘M.M 28 vjeç, është arrestuar pasi në rrugën “Xhorxh Bush” duke drejtuar automjetin ka përplasur dy automjete të parkuara dhe është larguar nga vendi i aksidentit’. Pra e ke një vepër penale që është largim nga vendi i aksidentit. ‘Disa metra më tej pas ndalimit të punonjësit të policisë 28-vjeçari i ka kundërshtuar ata për kryerjen e testit të alkolit’, pra sërish kemi kundërshtim të forcave të policisë. ‘Nga i cili rezultoi në gjendje të dehur’, pra, te njoftimi thuhet që është bërë testi. Ndërkoh tek materialet që janë dërguar në Prokurorinë e e rrethit gjyqsor Tiranë thuhet që për veprën penale ‘largim nga vendi i aksidentit dhe mos bindja ndaj urdhrit të punonjësit të policisë’. Pra, është referuar vetëm për këto të dyja. Tani, në momentin që kundërshtohet polici, nuk mund të arrestohesh?!” – u shpreh gazetarja.
