Një operacion i gjerë policor është zhvilluar sot në Pogradec nga Drejtoria Vendore e Policisë Korçë, RENEA, FNSH, Shqiponjat dhe Forca e Posaçme Operacionale. Operacioni kishte në fokus kapjen e personave në kërkim, si dhe sekuestrimin e armëve, lëndëve narkotike dhe parave të paligjshme.
Gjatë aksionit janë zhvilluar dhjetëra kontrolle, ku deri tani janë sekuestruar armë zjarri, armë gjahu, armë të ftohta, shuma të konsiderueshme parash dhe lëndë narkotike.
Një prej operacioneve të përqendruara është zhvilluar në banesën e Erjon Llapushit, i shpallur në kërkim për një vrasje të ndodhur në vitin 2021. RENEA ka rrethuar banesën e tij dhe po ushtron kontrolle të detajuara. Ndërkohë, janë sekuestruar mbi 100 mijë euro cash gjatë këtij operacioni.
Policia njofton se detaje të tjera do të bëhen publike pas përfundimit të operacionit.
