Prokuroria e Tiranës ka pezulluar hetimet per masakrën e Don Boskos ku gjatë sulmit me armë mbi lokalin e Fation Muratit mbeti e vrarë banakierja Mimoza Paja. Prokurorët nuk gjeten prova për autorët e masakrës dhe për këtë arsye ja kthyen policisë për hetime të mëtejshme. Lidhur me këtë ngjarje prokuroria pati marrë të pandehur Nikollë Sherrnikun, lidhje shoqerore e Ervis Martinaj, mbreti i kumarit i zhdukur pa gjurmë prej 3 vitesh, ndaj të cilit rëndon akuza krijim të kushteve për të kryer vrasje. Sherrniku sipas prokurorisë vodhi në Gjermani targën që iu vendos automjetit që u përdor në vrasje.
Sherrniku u dënua në shkallë të parë por Apeli e ka kthyer çështjen për rigjykim. Masakra e Don Boskos dyshohet të jetë kryer për motive hakmarrje. Fation Murati ka qenë i shpallur në kërkim policor për atentatin mafioz ndaj Brilant Martinaj dhe dy miqve të tij Dikler Vata e Besmir Hoxha. Brilant Martinaj është kushëri i Ervis Martinaj
