Gazetarja Klodiana Lala ka postuar një qëndrim të sajin në Facebook lidhur me ngjarjen e rëndë ku një punonjës policie tentoi vetëvrasjen pas ndalimit nga një patrullë e djalit të biznesmenit Samir Mane.
"Jam krah Azbiut dhe i uroj shërim të shpejtë, duke qëndruar kundër llumit që ka mbërthyer Policinë e Shtetit!
Mjafton ndalimi për disa orë i djalit të Samir Manes nga policia për të kuptuar në çfarë mjerimi ka përfunduar vendi dhe si policia tradhton njerëzit e saj.
Policia dhe ministri kanë detyrimin të shpjegojnë se çfarë ndodhi me Azbiun!
Gjithçka tjetër janë lojëra të ndyra që nuk i shërbejnë askujt!
Ervin Hoxha, është radha jote të dalësh dhe të bësh transparencë. Boll më me akuza të pabaza mbi një njeri të ndershëm!
Na jep prova, dokumente, video dhe kqyrje telefonash për të treguar pse ndodhi ajo që ndodhi me Azbiun.
Fillo nga celulari i shefit të qarkullimit dhe vazhdo më tej…".
