Mark Nika, xhaxhai i Aleks Nikës një prej 4 të vrarëve gjatë demostratës së 21 janarit 2011 deklaroi jashtë dyerve të SPAK se duhet të hetohet zinxhiri komandues dhe përgjegjesit të shkojnë prapa hekurave.
Mark Nika dëshmoi për më shumë se 1 orë e 30 minuta në prokurorinë e Posaçme në cilësinë e kallëzuesit.
"Çështjes t’i shkohet deri në fund, të hetohet zinxhiri komandues. Ka 13 vite që luftojmë për të vërtetën. Fajtorët duhet të dalin para gjyqit" - tha Nika.
Ai foli për provat që u fshinë pas ngjarjeve të dhunshme të 21 janarit që shkaktoi 4 viktima.
“Hetimi duhet të zbardhë se dhe kush i fshiu provat. Po të mos ishte Strasburgu çështja nuk do të hetohej. Përgjegjësia duhet kërkuar tek kryeministri dhe ministri i Brendshëm i kohës. Kush ka qëlluar në njerëz duhet të përgjigjet për vrasje në bashkëpunim" - deklaroi më tej ai.
Mark Nika tha se ka besim që SPAK do ta zbardhë ngjarjen.
Para tij në SPAK dëshmoi dhe e veja e Aleks Nikës, Rajmonda.
Hetimet për 21 janarin u rihapën pas vendimit të gjykatës së Lartë. Më herët Strasburgu e cilësoi 21 janarin si krim shtetëror.
