Mes 11 masave të reja për përmirësimin e sistemit arsimor, Greqia ka ndaluar edhe përdorimit e telefonit celular në shkolla. Rregulli i ri i prezantuar nga kryeministri grek Mitsotakis, parashikon që nxënësi mund të shkojë me celular në shkollë, por duhet ta ketë vetëm brenda çantës gjatë gjithë kohës deri sa të mbarojë orari i shkollës.
''Sipas rregulli të ri nxënësi mund të sjellë celularin në shkollë, por duhet ta ketë vetëm brenda çantës gjatë gjithë kohës deri sa të mbarojë orari i shkollës. Kërkoj mbështetjen e gjithë nxënësve, prindërve dhe mësuesve në një përpjekje që ka të bëjë me faktin se celularët nuk duhet të kenë vend në shkolla. Të dhënat shkencore tregojnë sot se përdorimi i celularëve gjatë ditës në shkollë ndikon jashtëzakonisht negativisht në vetë procesin mësimor. Nga shpërqendrimi e deri në çështje të tjera të rëndësishme, është e qartë se celulari nuk ka vend në shkollë gjatë ditës.
Mitsotakis gjithashtu është shprehur se edhe slogani me të cilin do të hapen shkollat këtë vit akademik do të jetë “Celularët në çantë”. Greqia me këtë masë të re për shkollat po ndjek shembullin e një sërë vendesh europiane.
