Për hapjen e Urës së Ibrit në Mitrovicë ka reaguar zëvendëskryeministri i Serbisë, Aleksandar Vulin, i cili tha se është shumë e rrezikshme të hapet pasi sipas tij, në Kosovë shqiptarët dhe serbët nuk duan të jetojnë së bashku dhe kur detyrohen të jetojnë bashkë, atëherë ndodhin incidente.
Vulin tha se serbët në Kosovë nuk janë të frikësuar nga njoftimet për hapjen e urës, por janë të shqetësuar.
Ai gjithashtu foli për vizitën e tij të fundit në Moskë, ku tha se Serbia ka mbështetjen absolute politike të Moskës dhe se me zyrtarët rusë ka diskutuar për vazhdimin e bashkëpunimit ekonomik.
