Richard Grenell është një personazh i njohur në Shqipëri. Edhe pse nuk u zgjodh sekretar shteti, siç e prisnin shumë politikanë shqiptarë, ai mori emërimin si i dërguar special i presidentit Trump për misione të rëndësishme. Grenell mësohet të jetë pjesë e delegacionit amerikan bashkë me zv. presidentin amerikan VJ Pence në konferencën ndërkombëtare që po zhvillohet në Munich të Gjermanisë. Gjithsesi, ai e ka gjetur kohën të kontaktojë edhe me përfaqësues të Shqipërisë. E për këtë ka zgjedhur këngëtaren nga Kosova, Dafina Zeqiri, e cila, siç mësohet, ka planifikuar një koncert në Munich. Dafina ka postuar një foto ku duket mjaft familjare me Grenellin, i cili më herët kishte bërë dhe një foto me pronarin e Spitalit Amerikan, Klodian Allajbeu. Ndërsa njihet si mik i këngëtares Bleona Qerreti, nuk dihet a do të xhelozohet kjo e fundit për miqësinë e re të Grenellit me Dafina Zeqirin. Sa për Klodian Allajbeun, nuk është hera e parë që biznesmenë shqiptarë përdorin foto të tilla për të “shpëlarë” disi imazhin për aferat ku janë përfshirë.
Richard Grenell me të vërtetë mund të mos ketë marrë ndonjë post të rëndësishëm në administratën e Trump. Ama ai vazhdon të ruajë e të zgjerojë lidhjet e tij me Shqipërinë dhe Serbinë, kryesisht në biznes dhe kulturë.
