Gjykata e Lartë ka lënë në fuqi dënimin me burgim të përjetshëm për Efthimios Eftimius, ish-komandon e forcave ushtarake greke, i cili ekzekutoi Devi Kasmin në hyrjen e pallatit të tij pranë Spitalit Pediatrik në Tiranë, më 29 janar 2018.
Elton Halipaj është dënuar me 33 vite burg, pasi dyshohet të jetë personi që i siguroi shtetasit grek mjetet e nevojshme për kryerjen e vrasjes.
Sipas Prokurorisë, viktima Devi Kasmi ishte kundërshtar i Domart Konjarit dhe dyshohet se konfliktet mes tyre kanë lindur për prishjen e pazareve të trafikut të kokainës. Në një proces të ndarë, Aurel Hoxhallari, i konsideruar organizatori i vrasjes së Kasmit, është dënuar gjithashtu me burgim të përjetshëm. Dosja e tij aktualisht ndodhet në Gjykatën e Lartë.
