Prokuroria e Lezhës ka dhënë pretencën për ngjarjen e rëndë të ndodhur në prill të vitit 2022 në fshatin Kallmet, ku u përfshinë ish-kreu i Njësisë Administrative, Besnik Simoni, dhe Altin Marku.
Për Besnik Simonin, Prokuroria ka kërkuar dënimin me 12 vite burg, duke e akuzuar për veprat penale “vrasja në kapërcim të kufijve të mbrojtjes së nevojshme” dhe “mbajtja pa leje dhe prodhimi i armëve, armëve shpërthyese dhe municionit”.
Ndërkohë, Altin Marku rrezikon një dënim prej 28 vitesh burg, pasi akuzohet për “vrasje me paramendim” dhe “mbajtja pa leje dhe prodhimi i armëve, armëve shpërthyese dhe municionit”.
Ngjarja shkaktoi tronditje në zonë, pasi përplasja me armë dyshohet se kishte motive personale. Tashmë, vendimi përfundimtar i çështjes mbetet në dorë të gjykatës.
