Ish-presidenti i Sirisë, Bashar al-Assad, vëllai i tij Maher al-Assad dhe kushëriri i tyre, Atef Najib, janë dënuar me vdekje nga Gjykata Penale e Damaskut, pasi u shpallën fajtorë për krime të kryera gjatë luftës gati 14-vjeçare në Siri.
Sipas mediave të huaja, Bashar al-Assad u shpall fajtor për vrasje të paramenduar, torturë dhe krime kundër njerëzimit. Vendimi ndaj tij është dhënë në mungesë, pasi ish-presidenti ndodhet jashtë Sirisë.
Assad, i cili drejtoi Sirinë për më shumë se dy dekada, u largua nga vendi në dhjetor 2024, pasi rebelët e udhëhequr nga islamistët avancuan drejt kryeqytetit, Damaskut, dhe morën kontrollin e vendit.
Pas rrëzimit të Assadit nga pushteti, udhëheqja e re siriane është përpjekur të ndërtojë një imazh më të moderuar dhe të paraqitet si një administratë që respekton të drejtat e njeriut.
