Një operacion i pazakontë sigurie është përdorur për të larguar fshehurazi Donald Trump nga Turqia më 8 korrik, pas informacioneve për një kërcënim të besueshëm iranian ndaj jetës së Presidentit amerikan.
Sipas Washington Post dhe New York Times, Trump ndodhej në Ankara për samitin e NATO-s dhe para kamerave hipi në Air Force One, duke krijuar përshtypjen se do të udhëtonte me të drejt Britanisë.
Por pak minuta më vonë ai u nxor fshehurazi nga avioni dhe u transportua me një mjet catering-u, nga ata që përdoren për furnizimin e avionëve. Prej aty u transferua në një C-32A të Forcave Ajrore amerikane, version ushtarak i Boeing 757, me të cilin fluturoi drejt Britanisë.
Ndërkohë, Air Force One vazhdoi udhëtimin si karrem, ndërsa vendndodhja reale e Trumpit iu mbajt e fshehtë gazetarëve dhe madje disa anëtarëve të stafit të Shtëpisë së Bardhë.
Operacioni ishte organizuar pasi autoritetet amerikane kishin marrë informacion për një kërcënim të besueshëm nga Irani. Vetëm një muaj më vonë është zbuluar se ajo që publikisht u paraqit si zgjedhja e Trumpit për të udhëtuar me avionin e vjetër presidencial, ishte në fakt pjesë e një operacioni mashtrimi për të fshehur avionin ku ndodhej Presidenti.
