Gazmend Bardhi u paraqit në SPAK pas një kallëzimi që ka bërë për shantazh ndaj tij. Kreu i Grupit Parlamentar të PD-së pretendon se në celularin e tij, në aplikacionin Signal, një numër i identifikuar si "Mbreti Zog" i ka dërguar disa dokumente të ngjashme me procesverbalet e hetuesve, ku përshkruhen biseda të Sky ECC. Në këto materiale, që sipas Bardhit janë të fabrikuara, përmenden Ervis Martinaj dhe Erigers Mihasi dhe implikohet Bardhi në çështje pagesash nga kriminelët.
Bardhi thotë se po shantazhohet për shkak të funksionit të tij politik dhe se është i gatshëm të dorëzojë celularin për të mundësuar që SPAK të hetojë çështjen deri në fund.
