Dy të rinj, 22 dhe 24 vjeç janë konstatuar nga efektivët e policisë Rrugore duke bërë gara me makina në qendër të Tiranës, pikërisht në rrugën "Abdi Toptani". Policia bën me dije se pas ndalimit, të rinjtë janë konstatuar se i drejtonin mjetet në gjendje të dehur. Madje kanë bërë rezistencë duke mos iu bindur urdhrit të punonjësit të policisë, gjatë kryerjes së veprimeve për ndalimin e tyre. “D. D., 22 vjeç dhe B. U., 24 vjeç, të dy banues në Tiranë, pasi në rrugën "Abdi Toptani", janë konstatuar duke bërë gara shpejtësie me automjete që i drejtonin në gjendje të dehur dhe pa leje drejtimi”, sqarojnë autoritetet.
