Lorenc Rapa, babai i 3-vjeçarit të dhunuar në kopshtin e fëmijëve në Tiranë nga edukatorja ka dhënë një intervistë ekskluzive për emisionin “Opinion”. Gjatë rrëfimit të tij, Rapa thotë se ngjarjen ia ka rrëfyer i biri i tij, i cili ju ka thënë prindërve se edukatorja “e ka kapur tek dora”.
Lorenc Rapa: Historinë tek kopshti në Astir, arrita ta kuptoj me nusen time Prej muajit Shtator e kisha çuar tek ai kopshti. E konsideroja të mirë sepse para këtij kopshti, të njëjtën situatë kisha në një kopsht tjetër, por jo kaq dramatike. E kaluam atë situatë me sukses, nuk u bë mediatike, e zgjidhëm.
E çova tek ky kopshti për të qenë më të sigurtë. Kemi folur me drejtoreshën e kopshtit, i kemi thënë që “djalin e kemi pikën e dobët, të angazhohet me fëmijët, të kalojë një pjesë kohë vetëm të mos keqtrajtohet” sepse kisha ngelur i traumatizuar nga rasti i parë.
Vazhdon nga muaji Shtator deri më 20 Janar, kur Rudina Gerdani e dhunon Priamin. Ai na tregoi vetë në darkë duke na thënë “më kapi Rudi tek dora”. I shkruaj drejtoreshës, e marr në telefon, nuk u përgjigj. Më shkruan mesazh dhe i thashë që shpresoj të mos jetë e vërtetë situata që po më thotë Priami.
