Gripi i stinës po shfaqet me forma më agresive tek fëmijët, duke shkaktuar temperaturë të lartë dhe të zgjatur, deri në 39–40 gradë Celsius.
Sipas mjekëve, në shumë raste është dashur trajtim spitalor për shkak të rëndimit të gjendjes shëndetësore, shoqëruar me të vjella, diarre, mosushqyerje dhe, në disa raste, konvulsione febrile.
Instituti i Shëndetit Publik ka konfirmuar praninë e gripit të tipit A, ndërsa në qarkullim janë edhe viruse të tjera si COVID-19 dhe virusi respirator sincicial, që prek kryesisht foshnjat.
Pediatrit u bëjnë thirrje prindërve të tregojnë kujdes të shtuar dhe të shmangin ambientet e mbipopulluara, sidomos gjatë festave. Fluksi i pacientëve në spitale është rritur, ndërsa sipas ISHP, vala e infeksioneve ende nuk ka arritur kulmin.
