Në procesin gjyqësor në GJKKO lidhur me aferën Partizani, ku i pandehur kryesor është ish-kryeministri Sali Berisha, SPAK kundërshtoi pretendimet e të akuzuarve.
“Në lidhje me kërkesat për papërdorueshmëri apo paligjshmëri të provave kërkojmë që këto pretendime të mos merren parasysh dhe të rrëzohen”, deklaroi prokurori.
Lidhur me kërkesën e Sali Berishës për të thirrur si dëshmitar Edi Ramën, prokuroria e posaçme deklaroi se e lë në çmim të gjykatës.
Në këtë proces Berisha akuzohet për korrupsion, ndërsa dhëndrri i tij Jamarbër Malltezi për korrupsion e pastrim parash. Të pandehur janë dhe disa biznesmenë dhe shoqëri tregtare.
