Në episodin më të fundit të podcastit të saj, Grida Duma ka lënë të kuptohet se mund të rikthehet në politikë, me një projekt të ri që do të ketë në qendër gratë dhe modelet e reja të shoqërisë shqiptare.
Përballë Hati-t, një nga personazhet më të njohur në rrjetet sociale, Duma u shpreh:
“Një ditë do zgjohem në mëngjes dhe do bëj një parti që do ketë në fokus gratë."
Ftesë i bëri dhe Hatit: "Bëj një sakrificë katër vite vetëm, jep modelin tënd të vërtetë. Ndoshta nuk fitojmë, por do prekësh gjithë Shqipërinë.”
Hati e pranoi idenë me entuziazëm, duke thënë se do ta konsideronte me kënaqësi pjesëmarrjen në një nismë të tillë:
“Mendoj që do e bëja. Më pëlqejnë sfidat, më pëlqejnë gjërat e reja. Pse jo, do e testoj veten deri ku mund të shkoj.”
Në fund të bisedës, Duma la të kuptohet se kjo nuk ishte vetëm një ide spontane, por ndoshta një sinjal për diçka më konkrete në të ardhmen:
“Kjo është më shumë se një ftesë, por do ta mbaj mend që e kemi bërë këtë bisedë bashkë, përpara se të të marrë dikush tjetër.”
