Konferenca e Kryetarëve ka rrëzuar kërkesën e opozitës për ngritjen e dy komisioneve Hetimor Parlamentar në lidhje me rrugët e shembura dhe AKSHI-n.
Opozita kërkoi hetim për kontratat koncesionare dhe ndërtimin e rrugëve pas shembjeve masive kohët e fundit. Po ashtu, opozita kërkoi që të hetohet edhe veprimtaria e AKSHI-t dhe siguria e të dhënave të qytetarëve për shkak të vënies nën akuzë nga SPAK të të pandehurve lidhur me këtë dosje, të cilat mes të tjerash akuzohen se kanë vepruar si një grup i strukturuar kriminal.
Por të dyja kërkesa u rrëzuan.
Ndërkohë mbledhja është shoqëruar me debate mes mazhorancës dhe opozitës. Bardhi akuzoi shumicën se po bllokon sistematikisht nismat e opozitës, duke përfshirë komisionet hetimore, interpelancat, mocionet me debat dhe amendamentet ligjore.
