Gjatë një konference për shtyp në Romë me kryeministrin Edi Rama, kryeministrja italiane Giorgia Meloni e cilësoi marrëveshjen Itali–Shqipëri për emigrantët si revolucionare, duke theksuar se shumë vende të BE-së po përpiqen të ndjekin të njëjtin model.
Ajo pranoi se projekti është përkohësisht i bllokuar, por shprehu bindjen se do të rifillojë sapo të hyjë në fuqi marrëveshja e re evropiane për azilin, duke shtuar se çdo palë do të mbajë përgjegjësitë e veta.
Nga ana tjetër, Edi Rama deklaroi se nuk është penduar aspak për këtë marrëveshje, duke thënë se do ta pranonte 100 herë të tjera nëse do t’i kërkohej nga Italia, por jo nga vende të tjera.
Ai theksoi se bashkëpunimi me Italinë është në interes të ndërsjellë, si në fushën e mbrojtjes ashtu edhe në projekte të tjera, duke e përshkruar partneritetin si të veçantë dhe të bazuar në miqësi historike.
