Në një vit të shënuar nga konflikte dhe tensione globale, pesë vende vazhdojnë të kryesojnë listën e më të sigurtave dhe më paqësoreve në botë, sipas indeksit Global Peace Index 2025, të publikuar nga Instituti për Ekonomi dhe Paqe. Raporti vë në dukje se numri i konflikteve të armatosura shtetërore ka arritur nivelin më të lartë që nga Lufta e Dytë Botërore, megjithatë këto shtete kanë ruajtur stabilitetin dhe ndjenjën e sigurisë për qytetarët e tyre.
Islanda ruan për të 17-in vit radhazi vendin e parë, duke kryesuar në të tre fushat kryesore të matjes: siguri dhe mbrojtje, konflikt i brendshëm/ndërkombëtar dhe nivel i ulët i militarizimit. Për banorët, ndjenja e qetësisë lidhet ngushtë me komunitetin, barazinë gjinore dhe sistemet sociale të zhvilluara.
Irlanda, e dikurshme e shënuar nga konflikte, sot gëzon ndër shoqëritë më miqësore dhe të sigurta në Europë. Vendi ruan neutralitetin ushtarak, ka ulur nivelin e militarizimit dhe njihet për mikpritjen e veçantë ndaj vizitorëve.
Zelanda e Re ngjitet në vendin e tretë këtë vit, falë përmirësimeve në siguri të brendshme dhe ligjeve shumë të rrepta për armët. Banorët përshkruajnë një shoqëri të bazuar në besim, komunitet dhe lidhje të fortë me natyrën.
Austria, megjithëse ka rënë një vend nga viti i kaluar, renditet e katërta, duke ruajtur sigurinë dhe stabilitetin, ndërsa vijon politikën e saj kushtetuese të neutralitetit.
Singapori është i vetmi vend aziatik në top 10, duke zënë vendin e gjashtë. Qytet-shteti renditet lart për siguri dhe rend, pavarësisht shpenzimeve të mëdha ushtarake për frymë.
Këto vende tregojnë se politika e brendshme e fokusuar tek mirëqenia, komuniteti dhe barazia shoqërore mbetet çelësi për të garantuar qetësi dhe siguri në një botë gjithnjë e më të trazuar.
