Autoritetet iraniane kanë shfaqur disa mbetje të një avioni luftarak amerikan që pretendojnë se është rrëzuar gjatë operacioneve ajrore kundër Republikës Islamike. Sipas mediave iraniane, një pjesë e identifikuar është timoni vertikal i një bombarduesi luftarak F-15E Strike Eagle nga skuadroni 494, i bazuar në Lakenheath të Britanisë së Madhe, i dallueshëm nga vija e kuqe karakteristike.
Këto avionë kanë marrë pjesë që nga fillimi në fushatën ajrore kundër Iranit.
F-15E është varianti për sulme tokësore i avionit F-15 Eagle dhe operohet nga një ekuipazh prej dy personash. Gardat Revolucionare iraniane (Pasdaran) pretendojnë se kanë kapur njërin nga pilotët amerikanë.
Ndërkohë, në jug të Iranit po zhvillohet një operacion i forcave speciale të Forcave Ajrore të SHBA-së për shpëtimin e ekuipazhit, i njohur si “Combat Search and Rescue”. Sipas raportimeve, janë filmuar avionë HC-130J “Combat King” dhe helikopterë MH-60G “Pave Hawk” që kryejnë fluturime në lartësi të ulët në provincat Kohgiluyeh dhe Boyer-Ahmad.
Misioni i tyre është të lokalizojnë pilotët dhe t’i mbrojnë derisa të krijohen kushtet për nxjerrjen e tyre nga territori.
Njësi të tilla janë bërë të njohura që nga luftërat në Ballkan, kur arritën të shpëtonin një pilot të avionit F-16 të rrëzuar nga forcat serbo-boshnjake, si edhe në vitin 1999 kur u evakuua komandanti i një F-117 Nighthawk, avioni i parë “stealth”, i rrëzuar nga mbrojtja ajrore jugosllave.
