Një shtetas maroken dyshohet të jetë i përfshirë në vrasjen e Ermir Dedjas, tri ditë më parë në Durrës. Nga hetimet paraprake, ai rezulton se ka sjellë në Shqipëri përmes portit të Durrësit automjetin e përdorur në vrasje. Bëhet fjalë për muajin shkurt të këtij viti. Po atë ditë ai është larguar nga Shqipëria përmes aeroportit të Rinasit. Policia ka mundur ta identifikojë dhe shpallë në kërkim dhe pyetja e tij mund të ndihmojë hetuesit të shkojnë drejt autorëve të dyshuar të vrasjes. Dedja, 29-vjeçar, u qëllua për vdekje në mesnatë në lagjen 18 në Durrës. Ai njihej si një prej miqve më të ngushtë të Aldo Avdylajt, një prej të dyshuarve si vrasës me pagesë dhe pjesë e klanit kriminal Avdylaj me bazë në Shijak.
