Katër deputetë demokratë duhet të paguajnë dëmet e shkaktuara në Kuvend gjatë seancës së 30 shtatorit, ku u dëmtuan dhe dogjën 30 karrige, tapeti ceremonial në hyrje të sallës së seancave plenare dhe stema e Republikës. Deputetët Flamur Noka, Bledjon Nallbati, Etilda Hoti dhe Gazment Bardhi akuzohen si përgjegjës në këtë ngjarje proteste, ku përveç sjelljes brenda godinës, opozita dogji karriget edhe në oborrin e Kuvendit.
Shuma e dëmeve dhe afati për pagimin
Vlera totale e dëmeve të shkaktuara arrin në 764.922 lekë. Deputetët kanë afat deri më 20 nëntor për të paguar dëmet. Në rast se nuk e bëjnë këtë, shuma do t’u mbahet nga rroga. Konkretisht, Flamur Noka dhe Bledjon Nallbati duhet të paguajnë nga 187.455 lekë secili, Etilda Hoti 180.837 lekë, dhe Gazment Bardhi 209.175 lekë.
